Cyfarwyddwr Sgema, a’i Uwch Ymgynghorydd, yw Meilyr Ceredig – sy’n Siartredig gan y CIPR a CIM. Mae ganddo dros ddau ddegawd o brofiad o weithio i rai o sefydliadau sector preifat a chyhoeddus mwyaf adnabyddus Cymru yn rhai o’r asiantaethau mwyaf blaenllaw yng Nghaerdydd a thu hwnt.

Ar gyfer pob brîff ymgyrchu, defnyddir tîm wedi’i deilwra o weithwyr proffesiynol, o ymgynghorwyr sy’n benodol i’r testun i arbenigwyr disgyblaeth marchnata, er mwyn cyflawni’r briff yn erbyn amcanion clir.

Does dim llawer o wybodaeth amdanom ar y cyfryngau cymdeithasol. Dydyn ni ddim yn mynychu digwyddiadau rhwydweithio swnllyd chwaith. Nid dyna sut rydym yn gweithio. Rydym yn credu mewn hyrwyddo ein cleientiaid a’u hymgyrchoedd – nid ni ein hunain.

A gallwch fod yn dawel eich meddwl ein bod yn cynnig y cyfrinachedd llwyr i’n cleientiaid sydd fel arfer yn cael ei gysylltu â’r gyfraith, yn hytrach na chyfathrebu.

Ein prawf litmws yw a fydd Cymru yn lle gwell os bydd y prosiect yn llwyddiannus. Fel yr ymgynghorwyr a gyfarwyddodd prosiect y ‘sgwrs genedlaethol’ cyn Deddf Llesiant Cenedlaethau’r Dyfodol, ein gobaith yw gweithio gyda chleientiaid i roi gwerth i’w sefydliad ond wrth wneud hynny rhoi gwerth hefyd i ardaloedd ehangach o Gymru.

Ein hail brawf ydy a yw’n ddiddorol… felly os yw’r testun yn ddiddorol ond y gyllideb yn fach rydym weithiau yn mynd amdani os ydym yn meddwl y gallwn helpu i symud rhywbeth ymlaen.

O brosiectau rheoli rhanddeiliaid ar gyfer sefydliadau blaenllaw’r DU, ac ymgynghoriadau allgymorth cymunedol ar gyfer cwmnïau ynni adnewyddadwy blaenllaw, i ymgyrchoedd ymwybyddiaeth defnyddwyr gwerth miliynau o bunnoedd ar gyfer sefydliadau’r sector cyhoeddus fel Llywodraeth Cymru – rydym wedi arfer â phrosiectau mawr a bach.